07 апр 13:19
Янгиликлар

Баскетбол

NBA. Дюрантнинг трипл-дабли "Бруклин"га "Нью-Йорк"ни мағлуб этишда ёрдам берди ва бошқа натижалар

Теглар : NBA

Нью-Йоркда (АҚШ) NBA мунтазам чемпионатининг навбатдаги ўйини ниҳоясига етди.

Унда, "Нью-Йорк Никс" "Madison Square Garden" аренасида "Бруклин Нетс"ни қабул қилди. Учрашувда "Нью-Йорк" жамоаси 98:110 ҳисобида меҳмонларга мағлуб бўлди.

Меҳмонларнинг муваффақиятида 32 очко, 10 та рибанд (ҳалқадан қайтган тўпни эгаллаш) ва 11 та самарали узатмни амалга оширган Кевин Дюрантнинг ҳиссаси катта бўлди. "Нью-Йорк"да Алек Бёркс 24 очко билан ажралиб турди. Жерико Симс дабл-дабл (10 очко ва 13 рибанд) қайд этди.

Атлантадаги (АҚШ) "State Farm Arena"да ўтказилган параллель ўйинда "Атланта Хокс" "Вашингтон Уизардс"га қарши майдонга тушди. Ушбу баҳсда мезбонлар 118:103 ҳисобида ғалаба қозонишди.

"Атланта"нинг энг яхши баскетболчиси 30 очко ва 11 самарали узатма билан Трей Янг бўлди. Шунингдек, Данило Галлинари дабл-даблга эришди (26 очко ва 10 рибаунд). Кристапс Порзингис "Вашингтон"да 26 очко ва 18 рибанд билан энг яхши бўлди.

"Бостон Селтикс" ҳам "Чикаго Буллз"ни мағлуб этди - 117:94.