NBA. "Финикс" ўз уйида "Бруклин"ни мағлуб этиб, кетма-кет 11 ғалабасини тантана қилди ва бошқа натижалар

Фениксдаги (АҚШ) "Футпринт Цэнтр" аренасида "Финикс Санз" жамоаси "Бруклин Нетс"ни қабул қилди. Учрашув мезбонларнинг 121:111 ҳисобидаги ғалабаси билан якунланди ва бу уларнинг қаторасига 11-ўйиндаги ғалабасига айланди. Меҳмонларнинг мағлубиятли серияси 5 ўйинга етди.

"Феникс"нинг ғалабасига энг катта ҳиссани Девин Букер қўшди: 35 очко, 6 рибанд ва 2 самарали узатма. У учрашувнинг энг сермаҳсул баскетболчисига айланди. "Бруклин" таркибида эса ҳимоячи Жеймс Харден ёрқин ўйин кўрсатди (22 очко, 5 рибанд ва 10 ассист). 

Эслатиб ўтамиз, "Феникс Санз" (41-9) NBA Ғарб конференцияси турнир жадвалида пешқадамлик қилмоқда, "Бруклин Нетс" (29-21) эса Шарқ конференциясида 6-ўринни эгаллаб турибди.

Қуйида бугун бўлиб ўтган бошқа ўйинларнинг натижаси билан танишинг.

NBA. Мунтазам чемпионат

"Детройт" – "Новый Орлеан" 101:111 (33:31, 32:26, 22:27, 14:27)

"Торонто" – "Майами" 110:106 (22:32, 28:30, 30:21, 30:23)

"Милуоки" – "Вашингтон" 112:98 (24:20, 29:20, 25:33, 34:25)

"Миннесота" – "Денвер" 130:115 (30:28, 39:23, 31:27, 30:37)

"Сан-Антонио" – "Голден Стэйт" 120:124 (36:30, 33:31, 35:28, 16:35)

"Финикс" – "Бруклин" 121:111 (39:29, 26:29, 26:24, 30:29)