02 апр 19:05
Янгиликлар

Баскетбол

NBA. "Лейкерс" ўз уйида "Нью-Орлеан"га ютқазиб, плей-оффга чиқиш имкониятини пасайтириб юборди + ФОТО

Теглар : NBA

Лос-Анжелесдаги (АҚШ) Crypto.com аренада NBA'нинг мунтазам чемпионати доирасида навбатдаги ўйин бўлиб ўтди.

Унда "Лос-Анжелес Лейкерс" "Нью-Орлеан Пеликанс"ни қабул қилди. Учрашув меҳмонларнинг 114:111 ҳисобидаги ғалабаси билан якунланди ва натижада мезбонлар мағлубиятли сериясини кетма-кет бешта ўйинга етказишди.

"Лейкерс" форварди ЛеБрон Жеймс 38 очко, 8 рибанд ва 4 самарали узатма билан ўйиннинг етакчиси бўлди. Жамоадоши Энтони Дэвис 23 очко, 12 рибанд ва 6 самарали узатма билан дабл-дабл қайд этди. "Нью-Орлеан"нинг ғалабасига энг катта ҳиссани 32 очко, 7 рибанд ва 4 ассист билан Си Жей Макколлум ва дабл-дабл муаллифи Йонас Валанчюнас 17 очко, 12 рибанд ва 6 ассист билан қўшди.

Бир нечта ўйинларда "Лейкерс"га ёрдам беролмаган ЛеБрон Жеймс ваниҳоят ушбу учрашувда қайтди. Аммо "Лейкерс" ўз уйида 3 очко фарқи билан ютқазди.

Айни вақтда "Лейкерс" Ғарбий конференция турнир жадвалида 11, "Нью-Орлеан" 9-ўринни эгаллаб турибди.