NBA. "Лейкерс" яна мағлуб бўлди, Дюрант етакчилигидаги "Бруклин" эса ғалаба қозонди

Далласдаги (АҚШ) "American Airlines Center" аренада NBA мунтазам чемпионатининг навбатдаги ўйини бўлиб ўтди. Унда "Даллас Маверикс" жамоаси "Лос-Анжелес Лейкерс"ни қабул қилди. Учрашув мезбонларнинг 128:110 ҳисобидаги ғалабаси билан якунланди.

Мезбонларнинг ғалабасига энг катта ҳиссани словениялик баскетболчи Лука Дончич қўшди. У 34 очко, 12 та рибанд ва 12 та самарали узатмани амалга ошириб, трипл-дабл қайд этди. Малик Монк 28 очко, 4 рибанд ва 2 самарали узатма билан "Лейкерс" сафида энг яхши натижани кўрсатди.

Эслатиб ўтамиз, "Лос-Анжелес Лейкерс" NBA Ғарбий конференцияси турнир жадвалида 11-ўринда, "Даллас Маверикс" эса 4-ўринда.

Параллель ўйинларда "Филаделфия" ўз майдонида "Милуоки Бакс"га мағлуб бўлди (116:118). "Бруклин" эса Кевин Дюрантнинг дабл-дабл эвазига "Детройт"ни 130-123 ҳисобида мағлуб этди.