NBA плей-оффига чиққан 12 жамоанинг номи маълум бўлди

Шарқий конференцияда «Майами Хит», «Милуоки Бакс», «Бостон Селтикс», «Филадельфия Сиксерс», «Торонто Рэпторс» ва «Чикаго Буллз» жамоалари плей-офф босқичига йўл олди.

Плей-оффга чиқиш учун яна саккиз жамоа кураш олиб бормоқда. Унга кўра, Шарқий конференцияда «Бруклин Нетс» «Кливленд Кавальерс»га, «Атланта Хоукс» эса «Шарлотт Хорнетс»га қарши паркетга чиқади. 

Ғарбий конференциядан плей-оффга қуйидаги жамоалар йўл олишди: «Финикс Санз», «Мемфис Гриззлиз», «Голден Стэйт Уорриорз», «Даллас Маверикс», «Юта Джаз» ва «Денвер Наггетс».

Ғарбий конференцияда плей-оффга чиқиш учун «Миннесота Тимбервулвз» «Лос-Анжелес Клипперс» билан, «Нью Орлеан Пеликанс» эса «Сан-Антонио Спёрс» билан кураш олиб боради. Ушбу ўйинлар 12-15 апрель кунлари бўлиб ўтади.

Эслатиб ўтамиз, турнирнинг амалдаги ғолиби «Милуоки Бакс» жамоаси бўлиб, ўтган мавсум финал сериясида «Финикс Санз»ни 4:2 ҳисобида мағлуб этганди.