04 авг 08:28
Янгиликлар

Теннис

NBU Cup. Ҳамюртимиз бугун финалда ўйнайди

Пойтахтимиздаги “Матонат” теннис кортларида давом этаётган 18 ёшгача бўлган теннисчилар ўртасидаги мусобақа ўзининг якуни й босқичига етиб келди.

NBU Cup-2018 мусобақасининг ўғил болалар ўртасидаги турнирида ярим финал учрашувлари ўтказилиб, бош соврин учун баҳсда кортга чиқадиган теннисчилар номи маълум бўлди.

Истеъдодли теннисчимиз Сергей Фомин турнирнинг биринчи ракеткаси сифатида ҳаракат қиляпти. У ярим финал учрашувида мусобақанинг учинчи рақамланган теннисчиси туркиялик Эмир Сендоганни 6:0, 6:2 ҳисобида мағлуб этди.

Бугун Фомин бош соврин учун баҳсда турнирнинг иккинчи ракеткаси Себастьян Жимага қарши кортга чиқади. Руминиялик иқтидор эгаси кеча ўтказилган ярим финал учрашувида яна бир ўзбекистонлик теннисчи Иброҳимжон Ўриновни 7:5, 6:2 ҳисобида таслим этди.