NBU Cup. Ҳамюртимиз чемпионлик унвонини ҳимоя қилди

NBU Cup-2018 мусобақасининг ўғил болалар ўртасидаги турнирида истеъдодли теннисчимиз Сергей Фомин ғолиб бўлди. Турнирнинг биринчи ракеткаси сифатида ҳаракат қилган Фомин бош соврин учун баҳсда турнирнинг иккинчи ракеткаси Себастьян Жимага қарши кортга чиқди. 

Руминиялик иқтидор эгаси ярим финал учрашувида яна бир ўзбекистонлик теннисчи Иброҳимжон Ўриновни 7:5, 6:2 ҳисобида таслим этганди. Финал баҳсида Фомин жамоадоши учун реванш олди. Рақибига ҳеч қандай имконият қолдирмаган ҳамюртимиз 6:3, 6:2 ҳисобида зафар қучди. Сергей ўтган йили ҳам ушбу турнирда чемпион бўлганди.