04 авг 10:35
Янгиликлар

Теннис

NBU Cup. Ҳамюртимизларда бош мукофот!

Пойтахтимиздаги “Матонат” теннис кортларида давом этаётган 18 ёшгача бўлган теннисчилар ўртасидаги мусобақанинг жуфтлик баҳсларида ғолиблар аниқланди.

NBU Cup-2018 мусобақасининг ўғил болалар ўртасидаги турнирида финал учрашуви ўтказилиб, бош соврин соҳиблари маълум бўлди. Истеъдодли теннисчиларимиз Сергей Фомин ва Темур Соттимов жуфтлик мусобақаси чемпионига айланишди.

Улар ҳал қилувчи финал учрашувида руминиялик Себастьян Жима ҳамда канадалик Лападат Жошуа ҳамкорлигини 6:4, 6:4 ҳисобида мағлуб этишди. Бугун Фомин яккалик мусобақасининг финал баҳсида турнирнинг иккинчи ракеткаси Себастьян Жимага қарши кортга чиқади.