05 авг 11:37
Янгиликлар

Теннис

NBU Cup. Қизлар ўртасидаги турнир кубоги Россияга кетди

Хабар берганимиздек, пойтахтимиздаги “Матонат” теннис кортларида 18 ёшгача бўлган теннисчилар ўртасидаги мусобақа якунланди.

NBU Cup-2018 мусобақасининг қизлар ўртасидаги турнири финалида икки россиялик теннисчилар ўзаро тўқнаш келишди. Турнирнинг биринчи ракеткаси Алина Чараева учинчи рақам остида сараланган ҳамюрти Мария Ткачевага қарши кортга чиқди.

Биринчи сет тай-брекда 6:7(4) ҳисобида Ткачева фойдасига ҳал бўлди. Иккинчи сетда Алина 6:2 ҳисобида зафар қучди. Учинчи сет эса ўтказилмади. Мария жароҳати сабаб кортга чиқмади ва чемпионлик Чараевага насиб этди.