01 дек 10:48
Янгиликлар

Бокс/ММА

Ниқобли Уайлдер мақтанчоқ Фьюридан 20 кг енгил чиқди ФОТО

Бизнинг вақт билан эртага тонг саҳарда АҚШнинг Калифорния штати Лос-Анжелес шаҳрида узоқ кутилган профессионал бокс кечаси ўтказилади.

Оқшомнинг марказий жанги супероғир вазн тоифасида ўтказилади ва унда WBC чемпиони Деонтей Уайлдер собиқ жаҳон чемпиони Тайсон Фьюрига қарши рингга кўтарилади. Ҳар иккала боксчи ҳам фаолиятларида ҳали мағлубият аламини тотиб кўришмаган.

Анъанага мувофиқ бугун тонгда боксчиларни тарозидан ўтказиш маросими ташкил этилди. Унда Уайлдер Фьюридан 20 кг енгил тош босди. Америкалик боксчи эртага фаолиятидаги деяроди энг енгил вазн билан жанг ўтказади. Энг енгил вазнни у дебют жангида қайд этган. 2008 йилги ўша жангда Уайлдер роппа-роса 94 кг бўлган.

Бугунги тарози маросимида Деонтей Уайлдер — 96,4 кг, Тайсон Фьюри эса 116,3 кг вазнга эга эканлиги ойдинлашди. Уайлдер ўзининг сўнгги жангида 97,5 кг, Фьюри эса 117 кг вазнга эга бўлган эди.