26 май 07:24
Янгиликлар
Теннис
Норри "Ролан Гаррос" бош соврини учун курашни давом эттирмоқда
Франция пойтахти Париж шаҳрида ўтказилаётган мавсумнинг иккинчи "Катта Дубулға" турнири ўзининг қизғин палласига кириб боряпти.
Жаҳоннинг 11-ракеткаси, британиялик Кэмерон Норри "Ролан Гаррос"нинг иккинчи даврасида АТР рейтингида 160-ўринни эгаллаб турган австралиялик Жейсон Каблерни 6/3, 6/4, 6/3 ҳисобида мағлуб этди.
Учрашув 2 соату 29 дақиқа давом этган. Баҳс давомида Кэмерон бешта эйс, олтита брейк ва иккита қўшхато қайд этди. Жейсон эса тўртта эйс ва иккита брейкни амалга ошириб, олти бор қўшхатога йўл қўйди.
Теннисчиларнинг ўзаро учрашувларида британиялик олдинга чиқиб олди - 1:0. Турнирнинг 1/16 босқичида Норри россиялик Карен Хачановга қарши баҳс олиб боради.
Ҳавола :
Манба : gotennis
Фикрлар