Новак Жокович кортга қачон қайтиши маълум

21 февралда Дубайда старт оладиган АТР турнири учун ариза берган теннисчилар рўйхати эълон қилинди. Ушбу спортчилар орасида сайёрамизнинг биринчи ракеткаси Новак Жокович ҳам бор. Агар Жокович ушбу турнирда иштирок этса, бу унинг мавсумдаги илк турнири бўлади. Новак Australian Open'да ўйнашга ҳаракат қилди, аммо уни мамлакатдан депортация қилишди. Шундан сўнг, спортчи Сербияга қайтди ва бироз дам олишини маълум қилди.

Турнирда қатнашадиган спортчилар орасида яна учта Топ-10 теннисчилари бор: Андрей Рублёв (6), Феликс Оже (9) ва Янник Синнер (10). Шунингдек, амалдаги чемпион Аслан Карацев ва Карен Хачанов ҳам мусобақада иштирок этиш учун ариза беришган.