Новак Жокович Мадрид, Рим, Париж ва Лондондаги турнирларида ўйнай оладими? Бунга кичик Жокович жавоб берди

“Новак Белградда машғулот ўтказмоқда ва Монте-Карло турнирига тайёрланмоқда. У даҳшатли даврни бошдан кечирди, лекин Новак сабр қилди ва нима учун шундай эканлигини исботлади. Афсуски, Дубайда у чорак финалда мағлуб бўлди. Унга барқарор ўйин амалиёти етишмаяпти.

Умид қиламанки, Новак яхши ўйнашда давом этади. Белград ва Монте-Карло турнирлари унга "Ролан Гаррос" ва Уимблдонга тайёргарлик вазифасини ўтаб беради. Яқин-яқингача у Париж, Рим, Лондон ва Мадридда ўйнаши мумкинлигини билмас эди. Аммо, хайриятки, у ўша ерда чиқиш қилади.

АТР бунда жуда кам таъсир кўрсатиши мумкин, чунки қоидалар давлат ҳокимияти томонидан белгиланади",-деди Жорже Жокович.