Новак Жокович Монте-Карлодаги "Мастерс" стартида сенсацион тарзда мағлуб бўлди

Иккинчи давра учрашувида Жокович Испания вакили Алехандро Давидович-Фокинага 3/6, 7/6, 1/6 ҳисобида имкониятни бой бериб қўйди ва турнирни эрта тарк этди. 

Учрашув 2 соату 56 дақиқа давом этди. Ушбу вақт давомида Жокович 1 марта эйс зарбасига амалга ошириб, 5 бор қўш хатога йўл қўйди ва 11 та брейк-пойнтнинг 4 тасидан унумли фойдалана олди. Фокина эса 5 бор қўш хатога йўл қўйиб, 20 та брейк-пойнтнинг 9 тасида зафар қучди.

Эслатиб ўтамиз, Жокович  Монте-Карлода февраль охиридан бери илк расмий ўйинни ўтказди. Новак коронавирусга қарши эмланмагани учун Америкадаги турнирларни ўтказиб юборганди.

Маълумот учун, турнирнинг умумий мукофот жамғармаси 5 млн 415 минг 410 еврони ташкил этади. "Мастерс"нинг амалдаги чемпиони грециялик теннисчи Стефанос Циципас ҳисобланади.