Новак Жокович Париж "Мастерс" чемпиони!

Сербиялик теннисчи финал учрашувида ATP рейтингида 17-поғонада борган болгариялик Григор Димитровни 6/4, 6/3 ҳисобларида мағлубиятга учратди. Теннисчиларнинг ўзаро учрашувларида Григор фақат бир мартагина зафар қучган - 1:12! 

Бир юз тўққиз дақиқа давом этган финал баҳсида Жокович 6, Димитров 5 та эйс зарбани амалга оширди. Қўшхатолар Григорда биттага кўпроқ бўлди - 2 га 1. Брейкларда эса Новак яққол устунликка эришди - 3 га 0. 

Жокович фаолиятида 40-маротаба "Мастерс" сериясига кирувчи турнирларда бош совринга эга чиқди. Бу мутлақ рекорд! Унинг умумий совринлари сони эса 97 тага етди. Бу унинг бу йилги мавсумдаги олтинчи соврини бўлди. 

Rolex Paris Masters турниридаги муваффақиятли иштирок унга 1000 рейтинг очкоси ҳамда 892,590 евро мукофот пули келтирди.