08 июл 12:06
Янгиликлар

Теннис

Новак Жокович "Уимблдон" чорак финалида кортга чиқди

Дунёнинг биринчи ракеткаси Новак Жокович Лондонда ўтказилаётган "Катта Дубулға" туркумига кирувчи "Уимблдон" турнирининг чорак финал учрашувида ғалабага эришди.

Сербиялик теннис юлдузи 2 соату 17 дақиқа давом этган баҳсда рейтингнинг 48-поғонасидан жой олиб турган венгриялик Мартон Фучовични уч сет натижасига кўра мағлубиятга учратди - 6/3, 6/4, 6/4.

Новак баҳс давомида 4 та, Мартон эса 5 та эйс зарбасини амалга оширди. Теннисчиларнинг ўзаро учрашувларидаги ҳисоб йириклашди - 3:0. Энди Жокович ярим финалда канадалик Денис Шаповаловга қарши кортга чиқади.

Шу тариқа, Новак Жокович 10-маротаба "Уимблдон" турнирининг ярим финалида иштирок этади. У олти маротаба финалда ўйнаб, беш бор бош соврин соҳибига айланган.