"Обод" - "Пахтакор" 1:4. "Шерлар" учинчи ўринга кўтарилишди

Ўйиннинг 12-дақиқасида Шерзод Каримовнинг жарима тўпидан йўллаган зарбасини мезбонлар посбони қайтарди. 17-дақиқада Азамат Аҳмедов кетма-кет икки марта ўз дарвозасини голдан сақлаб қолди. 

30-дақиқада Дониёр Ҳасановнинг зарбаси йўлига Александр Лобанов тўғаноқ бўлди. 32-дақиқада бош ҳакам томонидан белгиланган пенальтини Игорь Сергеев аниқ амалга ошириб ҳисобни очди - 0:1. 

Иккинчи тайм бошида Жасур Ҳакимов ҳимоячидан келган тўпни дарвозага йўллади - 0:2. Орадан ўн дақиқа ўтгач Шерзод Каримовнинг пасидан сўнг Игорь Сергеев дублга эришди - 0:3. 

67-дақиқада захирадан майдонга тушган Исломжон Исмоилов ҳисобни қисқартирди - 1:3. Ҳакам томонидан қўшиб берилган дақиқаларда Беҳруз Садуллаев Сергеевдан келган пасни голга айлантирди - 1:4. 

Олий Лига, 15-тур

«Обод» (Тошкент) – «Пахтакор» (Тошкент) 1:4

24 июнь 2017. Тошкент. "Жар" стадиони. 18:30.

Голлар: Игорь Сергеев 32 пенальти, - 0:1. Жасур Ҳакимов 51, - 0:2. Игорь Сергеев 61, - 0:3. Исломжон Исмоилов 67, - 1:3. Беҳруз Садуллаев 90+1, - 1:4. 

"Обод": Азамат Аҳмедов, Аброр Хусинов, Анвар Ғофуров, Ғайрат Умиров, Шерзод Жалилов, Дониёр Ҳасанов, Павел Соломин (Идрис Бикмайкин, 68), Суннатилла Эрматов, Шохруз Норхонов, Сардор Қаҳҳоров (Ислом Исмоилов, 55), Исмоил Жасурхўжа (Тимур Васильев, 46)

"Пахтакор": Александр Лобанов, Хожиакбар Алижонов, Акбар Исматуллаев, Азим Аҳмедов, Шерзод Каримов, Игорь Сергеев, Суҳроб Нуруллаев (Беҳруз Садуллаев, 86), Жасурбек Ҳакимов (Достон Иброҳимов, 74), Даврон Ҳошимов (Хушнудбек Авилов, 63), Владимир Козак, Жамшид Юсупов.

Ҳакамлар: И. Танташев (Бухоро), А. Цапенко (Тошкент вил.), Р. Нугманов (Тошкент), Ф. Норсафаров (Карши)

Огоҳлантириш: Азим Аҳмедов 35.