“Обод”дан йирик ғалаба, “Машъал” ўз уйида ғалабани қўлдан чиқарди

Олий лига дебютанти Тошкентнинг “Обод” жамоаси ўз майдонида Наманганнинг “Навбаҳор” клубини қабул қилиб, кутилмаганда йирик 3:0 ҳисобида ғалаба қозонди. Шохруз Норхонов ўйинда дублга эришди.

Муборакнинг “Машъал” жамоаси эса ўз мухлислари кўз ўнгида ғалабани қўлдан чиқарди. Ҳакам томонидан асосий вақтга қўшиб берилган иккинчи дақиқада Ихтиёр Тошпўлатов “Машъал”ни ғалабадан маҳрум қилди - 1:1.

Олий лига 22-тур.

“Машъал” (Муборак) – “Сўғдиёна” (Жиззах) – 1:1. 1728 томошабин

Голлар: Кенжа Тўраев (55) – Ихтиёр Тошпўлатов (90+2).

Огоҳлантиришлар: А. Деркач (29), С. Ҳамроев (65), С. Абдураимов (66), К. Тўраев (68) – Р. Ҳасанов (24), М. Музафаров (59).

“Обод” (Тошкент) – “Навбаҳор” (Наманган) – 3:0. 457 томошабин.

Голлар: Темур Хаҳимов (5), Шоҳруз Норхонов (69, пенальти, 88).

Огоҳлантиришлар: А. Мирзаев (16) – Қ. Муҳамаджонов (30), А. Абдуллаев (58), Т. Шамсиддинов (68).