03 дек 08:45
Янгиликлар
Футбол
ОЧЛ-2017. “Насаф” гуруҳ босқичига чиқиши учун 2та рақибни мағлуб этиши керак
Аввал хабар берганимиздек, 2017 йилги Осиё чемпионлар лигаси плей-офф босқичида Ўзбекистоннинг икки жамоаси иштирок этади.
Қаршининг “Насаф” жамоаси гуруҳ босқичига чиқиши учун икки клуб тўсиғидан ўтиши керак бўлади. 31 январь куни биринчи саралаш босқичида “Насаф” ўз майдонида Баҳрайн чемпиони “Ал Хидд” клуби билан куч синашади.
Ушбу жуфтлик ғолиби 7 февраль куни Саудия Арабистонида “Ал Фатеҳ” меҳмони бўлади. Ушбу учрашув ғолиби гуруҳ босқиига чиқади.
“Бунёдкор” эса мусобақани 2-саралаш босқичидан бошлайди. “Қалдирғочлар” 7 февраль куни Қатарда “Ал Жайиш” меҳмони бўлишади. Мазкур ўйинда ғолиб бўлган жамоа гуруҳ босқичига йўлланма олади.
Бу маълумотлар ҳозирча ОФК томонидан тасдиқланмаган. ОФК 12 декабрь куни ОЧЛ-2017 тақвимини тасдиқлайди, деб ёзади Алишер Никимбаев фейсбукдаги ўз саҳифасида.
Ҳавола :
Манба : championat.asia
Фикрлар