28 янв 16:44
Янгиликлар
Футбол
Одил Аҳмедовнинг жамоадоши фаолиятини Ла Лигада давом эттиради
"Шанхай СИПГ" ярим ҳимоячиси Ву Лей фаолиятини Испания Ла Лигасида давом эттирадиган бўлди.
Хитойлик футболчи Барселона шаҳрининг "Эспаньол" клуби билан шартнома имзолади. Бу ҳақида Испания клуби расмий сайти хабар қилди.
1991 йилда туғилган футболчи ҳамда "Эспаньол" ўртасида тузилган битим муддати маълум эмас. Клуб бу ҳақида Ву Лейни таништириш маросимида эълон қилади. Хитойлик янги жамоада 24-рақам остида тўп тепади.
Ву Лей Хитой чемпионатининг сўнгги мавсумида 27та гол уриб, Суперлига "Олтин бутсаси"ни қўлга киритган эди. У "Шанхай СИПГ" билан Хитой чемпионига айланди. "Шанхай СИПГ"да ҳамюртимиз Одил Аҳмедов ҳам тўп тепади.
Ҳавола :
Манба : championat.asia
Фикрлар