Одилхон Камалов Шоҳжаҳон Эргашев билан бир оқшомда жанг ўтказади + ПОСТЕР

Хабар берганимиздек, 4 январь куни Самарқанд шаҳридаги Family Park мажмуасида Шоҳжаҳон Эргашевга тегишли Top Seven Fighters промоутерлик компанияси томонидан навбатдаги профессионал бокс турнири ташкил этилади.

Оқшомнинг марказий жангида супер енгил вазн тоифасида IBF камари учун собиқ даъвогар Шоҳжаҳон Эргашевнинг ўзи жанг қилади. Чарм қўлқоп устамиз Ҳиндистон вакили Гурприт Сингҳга қарши рингга кўтарилади.

Эътиборлиси, ушбу бокс турнирида таниқли поп ММА жангчиси Одилхон Камалов ҳам бокс қоидалари асосида жанг ўтказадиган бўлди. У икки кун аввал ижтимоий тармоқда Шоҳжаҳон Эргашевга мурожаат қилиб, жанг сўраганди. Боксчимиз Одилхоннинг сўровини қабул қилди ва унга жанг берди. Камалов Шерхон Раҳматовга қарши рингга чиқади. Турнир 4 январь куни соат 17:00 да старт олади.