Олимпиада-2018. Ўзбекистонлик спортчиларнинг иштироки қачонга мўлжалланган?

Мазкур спорт байрамида Ўзбекистон шарафини икки нафар спортчи ҳимоя қиладилар. Фигурали учиш баҳсларида Миша Ге музга чиқса, Қомил Тўхтаев тоғ чанғиси бўйича ўз омадини синаб кўради.

Ўзбекистонлик спортчиларнинг мусобақадаги иштироки қайси кунларга белгиланган? Шу саволга жавоб берамиз.

Фигурали учиш бўйича Ўзбекистон терма жамоаси аъзоси Миша Ге 16 февраль куни “Gangneung Ice Аrena” муз саройида қисқа дастурларда чиқиш қилса, 17 февралда эркин дастурда ўз омадини синаб кўради.

Комил Тўхтаев эса 18 февраль куни тоғ чанғисининг гигант слалом баҳсларида иштирок этади. 22 февралда эса слалом бўйича мусобақада қатнашади. Тоғ чанғиси бўйича беллашувлар “Yongpyong Alpine Centre” мажмуасида бўлиб ўтади.