16 ноя 17:53
Янгиликлар

Дзюдо

Олимпиада чемпиони Кларисс Агбеньену ёш дздочиларимиз билан учрашди ФОТОГАЛЕРЕЯ

Шу кунларда дзюдо бўйича франциялик Олимпиада чемпиони (Токио-2020), олимпия ўйинларининг кумуш медали совриндори (Рио-2016), беш карра жаҳон, тўрт карра Европа чемпиони, Европа ўйинлари ғолибаси Кларисс Агбеньену юртимизда меҳмон бўлиб турибди.

Номдор ва совриндор спортчи Ўзбекистон дзюдо федерациясига ташриф буюриб, ёш дзюдочиларимиз билан учрашди. Учрашув чоғида ёшларимиз ўзларини қизиқтирган саволларга жавоб олишди. Кларисс Агбеньену вақти тиғиз бўлишига қарамай, мастер класс ҳам кўрсатишга ҳам улгурди.

Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов Кларисс Агбеньенуга эсдалик совғаси топширди. Ушбу учрашувда икки жаҳон чемпионимиз Давлат Бобонов ва Музаффарбек Тўрабоев ҳам ҳозир бўлишди.