29 авг 08:30
Янгиликлар

Бокс/ММА

Олимпиада совриндори Рустам Тўлаганов АҚШга етиб борди, илк жанг Чикагода!

Рио Олиимпиадаси бронза медали совриндори Рустам Тўлаганов АҚШга етиб борди ва тез кунда ўзининг профессионал боксдаги илк жангини ўтказади.

Бизга хабар беришларича, ҳамюртимиз АҚШга етиб борган ва шу кунларда профессионал жангларни ташкил қилувчи промоутерлик компанияси билан шартнома имзолайди. Унинг менежери литвалик Эгес Климос бўлиб, бу мутахассис Фазлиддин Ғоибназаров билан бирга ишлаб келяпти.

Режага кўра, Рустам Тўлагановнинг илк жанги 27 октябрь куни АҚШнинг Чикаго шаҳрида ўтказилиши кутиляпти. Бўлажак жанг ташкилотчиларидан бири Фазлиддин аъзо Top Rank промоутерлик компанияси бўлади.