Олий лига. Бугунги ҳар икки марказий ўйинда кучлар тенг келди

Эътиборлиси, ҳар иккала ўйин ҳам бир хил 1:1 ҳисобидаги дуранг билан якунланди. Пойтахт дербисида "Бунёдкор" ҳамшаҳри "Пахтакор"ни қабул қилди ва ғалабани қўлдан чиқарди. 

Мавсум кашфиётига айланган "Қўқон-1912" жамоаси ўз майдонида амалдаги чемпион "Локомотив" билан 1:1 ҳисобида дуранг ўйнади. Марат Бикмаев "темирйўлчилар"ни мағлубиятдан қутқариб қолди. 

"БУНЁДКОР" - "ПАХТАКОР" - 1:1 (1:0)

17 май. Тошкент. "Бунёдкор" стадиони. 2123 томошабин.

"Бунёдкор": Зуҳуров, Комилов, Ашурматов, Шукуров, Аҳмадалиев, Иброҳимов, Қосимов (Тўхтасинов, 61), Умиров, Шомуродов (Икромов, 90+2), Ҳамдамов, Нурматов (Эсонқулов, 76).

"Пахтакор": Лобанов, Андреев, Ораховац, Тожиев, Ҳошимов, Исматуллаев, А.Аҳмедов (Булят, 80), Иброҳимов (Нуруллаев, 59), Козак, Каримов (Ҳакимов, 65), Сергеев.

Голлар: Ҳамдамов, 11 - 1:0. Андреев, 71 - 1:1.

Ҳакамлар: Ҳ.Рўзиев, О.Абдувосилов, С.Шоюсупов.

Огоҳлантиришлар: Тожиев, 45+1. Комилов, 61. Ораховац, 82.