Олий лигада қолиш учун курашаётган “Обод” ўз уйида мағлуб бўлди

Унда кучлилар сафида қолиш учун ҳаракат қилаётган Тошкентнинг “Обод” жамоаси ўз майдонида бу вазифани деярли уддалаб бўлган Муборакнинг “Машъал” клубини қабул қилди.

Ўйиннинг 18-дақиқасида Шоҳруз Норхоновнинг жарима майдони ичидан дарвозага йўллаган зарбасидан сўнг Жавоҳир Илёсов тўпни қайтарди. Баҳснинг 31-дақиқасида Темур Ҳакимовнинг зарбаси ҳимоячиларга тегиб, майдонни тарк этди.

Учрашувнинг 41-дақиқасида Кенжа Тўраев жарима майдонига яқинлашиб зарба берди ва гол урди - 0:1. Биринчи бўлим тугади. Иккинчи бўлимнинг 65-дақиқасида Аброр Ҳусинов 2 метр масофадан дарвозани ишғол қила олмади. Учрашувда меҳмонлар 1:0 ҳисобида ғалаба қозонишди.

“Обод” (Тошкент) – “Машъал” (Муборак) 0:1 (0:1)

Тошкент. “Жар” стадиони.

Гол: Кенжа Тўраев 41, - 0:1

“Обод”: Умиджон Ёрбеков, Аброр Ҳусинов (Алишер Шоғуломов, 77), Хуршид Ғиёсов, Ғайрат Умиров, Дониёрбек Ҳасанов, Павел Соломин (Фарҳод Мираҳматов, 46), Шохруз Норхонов, Сардор Қаҳҳоров, Анвар Ғофуров, Тимур Ҳакимов, Сардор Собирхўжаев (Алишер Мирзаев, 62)

“Машъал”: Жавоҳир Илёсов, Искандар Шойқулов (Аваз Агалиев, 84), Ғиёсжон Комилов, Сардор Абдураимов, Зоҳир Қўзибоев, Жамшид Ҳасанов (Ҳумоюн Муртазоев, 75), Владислав Павленко, Аббос Шодмонов (Мирзакамол Камолов, 68), Мирзоҳид Ғофуров, Кенжа Тўраев, Андрей Деркач

Огоҳлантиришлар: Сардор Собирхўжаев 39, Аббос Шодмонов 47, Хуршид Ғиёсов 83, Сардор Қаҳҳоров 88, Шоҳруз Норхонов 90, Ғайрат Умиров 90+1, Алишер Мирзаев 90+2.