Омонмуродова Германияда бешинчи ракеткани мағлуб этди

“Фьючерс” туркумига кирувчи мусобақанинг соврин жамғармаси 60 000 долларни ташкил қилади. Ҳамюртимиз турнирнинг саралаш баҳсларида ўз имкониятини синовдан ўтказяпти.

Оқгул илк даврада руминиялик Андреа Гитескуга қарши кортга чиқиб, 5:7, 6:3, 6:0 ҳисобида ғалаба қозонганди. Омонмуродова иккинчи босқичда саралашнинг 5-ракеткаси германиялик Вивиан Хейсендан 3:6, 7:6(6), 6:2 ҳисобида устун келди.

Бугун теннисчимиз мусобақанинг асосий босқичига йўлланма берувчи учрашувда кортга чиқади. Унинг рақибаси саралаш баҳсларига имтиёзли йўлланма асосида қўйилган венгриялик Грета Арн бўлади.