02 июн 11:52
Янгиликлар
Теннис
Омонмуродова ярим финалда ўзидан 10 ёш кичик теннисчи томонидан тўхтатилди
Хабар берганимиздек, Андижон шаҳрида "Фьючерс" туркумига кирувчи турнир давом этмоқда.
Соврин жамғармаси 25 000 АҚШ долларини ташкил қилувчи ушбу мусобақанинг яккалик баҳсларида бугун ярим финал учрашувлари ўтказилмоқда. Ҳозиргина дастлабки ярим финал баҳси ниҳоясига етди.
Афсуски, ярим финалга етиб келган ягона вакиламиз Оқгул Омонмуродова россиялик Анастасия Фроловага имкониятни бой бериб қўйди. Бир соату 16 дақиқа давом этган учрашувда Фролова 6:3, 6:2 ҳисобида ғалаба қозониб, финалга йўл олди.
Таққослаш учун, 32 ёшли Омонмуродова дунё рейтингида 397, 22 ёшли Фролова эса 376-ўринни эгаллаб турибди.
Ҳавола :
Манба : olamsport.com
Фикрлар