19 апр 08:30
Янгиликлар
Теннис
Ўн икки теннисчимиздан бор йўғи 3 нафари иккинчи даврага чиқди
Бухоро шаҳридаги “Дилкушо” кортларида теннис бўйича “Фьючерс” туркумига кирувчи турнир давом этмоқда.
Соврин жамғармаси 25 000 АҚШ долларини ташкил қилувчи ушбу мусобақанинг асосий тўрига 12 нафар теннисчимиз йўл олганди. Улардан бор йўғи 3 нафари иккинчи давра иштирокчисига айланди.
Ҳамюртларимиздан Санжар Файзиев, Темур Исмоилов ва Саидаъло Саидкаримов рақибларини мағлубиятга учратиб, бош мукофот учун курашни давом эттириш ҳуқуқига эга бўлишди.
Сергей Фомин, Азизбек Луқмонов, Павел Цой, Шохрух Абдумаликов, Аброр Исоқов, Григорий Рейтман, Олимжон Набиев, Шониғматжон Шофайзиев ва Азамат Луқмоновлар мағлубият аламини тотиб кўришди.
Ҳавола :
Манба : olamsport.com
Фикрлар