05 авг 11:30
Янгиликлар

Теннис

Опа-сингил Уильямслар теннис маркази қурилишига 1 млн доллар хайрия қилишди

Опа-сингил Винус ва Серена Уильямслар АҚШнинг Флорида штатидаги теннис маркази қурилишига 1 млн доллар ажратишди.

Бу суммани улар хайрия сифатида беришган. “Мирамар” номини олган ушбу теннис марказида жами 20 та корт бўлади. Улардан бири теннисчиларнинг отаси Ричард Уильямс номи билан аталади.

Америка теннис ассоциацияси ушбу лойиҳанинг ташкилотчиси ҳисобланади. Лойиҳанинг умумий қиймати 7 миллион долларга баҳоланмоқда.