Осиё чемпиони бўлган ўзбек боксчисига уй совға қилинди

Бу ҳақида Жисмоний тарбия ва спорт вазирлиги расмий сайтида хабар берилди. 

Вилоят ҳокимлиги ҳамда вилоят жисмоний тарбия ва спорт бошқармаси томонидан жорий йилнинг 19-26 апрель кунлари Бангкок шаҳрида бўлиб ўтган бокс бўйича Осиё чемпионатида олтин медал соҳиби бўлган Бобо Усмон Ботуровга фахрий ёрлиқ, пул мукофоти ҳамда Пахтакор туманидан намунали асосда қурилаётган кўп қаватли хонадонларда 3 хоналик уй берилди. Ушбу чемпионатда аёллар ўртасида 64 кг вазнда бронза медали соҳибасига айланган Мафтуна Мелиева ҳамда жорий йилнинг 14-19 апрель кунлари Тошкент шаҳрида бўлиб ўтган дзюдо бўйича Осиё очиқ чемпионатида олтин медални қўлга киритган Анорова Шоҳистага фахрий ёрлиқ, қимматбаҳо совғалар ва пул мукофотлари билан тақдирландилар.