16 июл 10:58
Янгиликлар

Бокс/ММА

Осиё ўйинлари-2018. Қозоғистоннинг байроқдори боксчи бўлади

Осиё ўйинларида асосий рақиб жамоага айланадиган Қозоғистон терма жамоасининг байроқдори маълум қилинди.

Осиё Олимпиадасининг тантанали очилиш маросимида Қозоғистон байроғини стадион узра 21 ёшли боксчи Абилхан Аманкул олиб ўтади. Ушбу тантанали маросим 18 август куни Индонезия пойтахти Жакарта шаҳридаги “Бунг Карно” стадионида ўтказилади. Аманкул 75 кг вазн тоифасида рингга кўтарилади. Ушбу вазнда Исроил Мадримов юртимиз спорт шарафини ҳимоя қилади.

Маълумот учун, Қозоғистон терма жамоасининг 419 нафар спортчиси Осиё ўйинлари дастуридан ўрин олган 40та спорт турининг 38тасида иштирок этади. Шулардан 25таси олимпия оиласига мансуб спорт турларидир. Қитъа ўйинларида жами 462та медаллар жамланмаси учун кураш кечади. Шундан 332та медаллар жамланмаси олимпия спорт турларидан ўйналади.