02 ноя 10:55
Янгиликлар

Теннис

Ўзбек дербисида Жўрабекнинг қўли баланд келди, у финалда!

Шу кунларда Малайзиянинг Куала-Лумпур шаҳрида мукофот жамғармаси 15 000 АҚШ долларини ташкил қилувчи теннис турнири бўлиб ўтмоқда.

Ушбу мусобақанинг жуфтлик баҳсларида бугун ярим финал учрашувлари ўтказилмоқда. Ярим финалнинг илк жуфтлигида ўзбекистонлик ёш теннисчилар Жўрабек Каримов ва Ҳумоюн Султонов бир-бирларига қарши кортга чиқишди.

Бир соату 28 дақиқа давом этган учрашувда Жўрабек Каримов ва хитойлик Аоран Вонг ҳамкорлиги Ҳумоюн Султонов ҳамда қирғизистонлик Данияр Дулдаев тандемини 3:6, 6:4, тай-брекда 10:6 ҳисобида ғалаба қозониб, финалга йўл олди. Уларнинг финалдаги рақиблари бироздан сўнг маълум бўлади.