22 янв 06:38
Янгиликлар
Ўзбекистон 19 йил деганда 1/4 финалга чиқа олмади
Миллий терма жамоамиз 1996 ва 2000 йилларда гуруҳ босқичидан нарига ўта олмаган. Шундан кейин доимий равишда нимчорак финал йўлланмасини қўлга киритиб келган.
1996 ва 2000 йиллари бизникилар гуруҳ ўйинларидан уёғига ўта олмаган эдилар. Хитойдаги қитъа чемпионатида 1/4 финал ўйинида Баҳрайн терма жамоасига пенальтилар сериясида имкониятни бой берган бўлсак, 2007 йил ҳакамларнинг "шарофати" билан Саудия Арабистони тўсиғидан ўта олмаганмиз.
2011 йилги Осиё Кубоги яна тўрт йилга энг яхшиси бўлиб қолаверади. Айнан шу турнирда биз ўз тарихимизда биринчи маротаба мусобақада учинчи ўрин учун ҳам майдонга чиққанмиз.
Афсуски, Жанубий Корея терма жамоасига 2:3 ҳисобида имкониятни бой берганмиз. Орадан тўрт йил ўтиб, Жанубий Корея бизни 1/4 финалда тўхтатиб қолган.
| Осиё Кубоги | Босқич | Ўрин |
| БАА - 1996 | Гуруҳ | 10 |
| Ливан - 2000 | Гуруҳ | 12 |
| Хитой - 2004 | 1/4 финал | 6 |
| Малайзия, Индонезия, Вьетнам, Тайланд-2007 | 1/4 финал | 7 |
| Қатар - 2011 | 1/2 финал | 4 |
| Австралия - 2015 | 1/4 финал | 8 |
| БАА - 2019 | 1/8 финал |
П.С: 2019 йилга қадар Осиё Кубокларида 16та жамоа иштирок этган.
Фикрлар