Ўзбекистон бокс терма жамоаси Осиё ўйинларида умумжамоа ҳисобида биринчи бўлмоқчи

“Айни пайтда ихтиёримизда асосий таркибдан ташқари, захира боксчиларимиз ҳам бор. Уларни ҳам тайёрлаб боряпмиз. Ҳар бир вазн тоифасида 3-4 нафар спортчи ишламоқда. Бу ўз навбатида таркибда соғлом рақобат шаклланишида муҳим аҳамият касб этади. Хабарингиз бор, спортда кутилмаган жароҳатлар ҳам учраб туради. Шу сабабли, захирадаги спортчиларимизни ҳам тайёрлаб боряпмиз. Ўзбекистон бокс терма жамоаси Жакарта 2018 Осиё ўйинларида умумжамоа ҳисобида  фақат биринчи ўринни олишни мақсад қилган ”, - деди терма жамоа бош мураббийи  Марат Қурбонов.

Эслатиб ўтамиз, 2014 йилда Инчеонда ўтказилган  Осиё ўйинларида  боксчиларимиз бирорта ҳам олтин медаль қўлга киритилмагандилар.

Рио-2016 Олимпиадасида эса Ўзбекистон бокс терма жамоаси 7та медаль ютиб, умумжамоа ҳисобида биринчи ўринни эгаллаганди.