07 июн 17:49
Янгиликлар
Ўзбекистон FIFA рейтингида тушиб кетди, ЎФА бунга қандай муносабат билдирди?
Кучли ўнликда катта ўзгариш бўлмади. Германия ҳамон рейтингда энг юқорида.
Ўзбекистон ўтган ойдагидан 7 поғона пасайиб 95-ўринга тушиб кетди. Осиё терма жамоалари орасида Ўзбекистон 13-рақамли жамоа бўлиб турибди.
36. АВСТРАЛИЯ - 718 (Ўтган ойга нисбатан ўрни ўзгарди: +4)
37. ЭРОН - 708 (-1)
57. ЖАНУБИЯ КОРЕЯ 544 (+4)
61. ЯПОНИЯ - 521 (-1)
67. САУДИЯ АРАБИСТОНИ 465 (0)
73. СУРИЯ 440 (+3)
75. ХИТОЙ 423 (-2)
77. БАА 418 (+4)
79. ЛИВАН 411 (+3)
84. УММОН 391 (+3)
89. ИРОҚ 377 (+2)
92. ҚИРҒИЗИСТОН 363 (-17)
95. ЎЗБЕКИСТОН 354 (-7)
97. ҲИНДИСТОН 350 (0)
98. ҚАТАР 348 (+3)
99. ФАЛАСТИН 347 (-3)
102. ВЬЕТНАМ 334 (0)
Ўзбекистон футбол ассоциацияси эса ушбу янгиликка қуйидагича изоҳ билдирди:
Ўзбекистон миллий термаси 2017 йилнинг 5 сентябрь санасидан буён расмий ўйинда иштирок этгани йўқ. Ундан олдинга ўтиб олган термалар эса Осиё Кубоги учун саралашни давом эттиришга мажбур бўлганди. Ўша ўйинларда қўлга киритилган очколаргина айни пайтдаги рейтингга сабаб бўлди.
ЎФА ўз принципларидан чекинмайди ва ўртоқлик ўйинларини сифатли ташкил қилиш учун ҳаракатни давом эттиради. Яъни, кучсизроқ рақибларни енгиб, жадвалда кўтарилиб олиш ҳақида ўйламайди. 2019 йилнинг январь ойида бўлиб ўтадиган Осиё Кубоги эса ҳамма масалага ойдинлик киритиб беради.
Осиё Кубогига қуръа ташланишида ФИФА рейтинги инобатга олинмади. ЖЧ—2022 саралашига қуръа эса Осиё Кубогидан кейин бўлиб ўтади. Қитъа чемпионатидаги натижа Ўзбекистон термасини рейтингда юқорига олиб чиқиши мумкин.
Маълумот учун, ЎФА раҳбариятида ўзгариш юз берганидан кейин Ўзбекистон термаси бирорта ҳам расмий ўйинда иштирок этганича йўқ. ФИФА рейтинги сўнгги 4 йиллик натижаларидан келиб чиқиб тузилади. Демак, айни вақтдаги ҳолат учун жавобгарлик кимларнинг зиммасида экани барчага маълум.
Фикрлар