Ўзбекистон Токио Олимпиадасида жамоавий спорт турлари бўйича ҳам иштирок этишни мақсад қилган

Бунгача енгил атлетика ва бокс федерацияси вакиллари билан ана шундай йиғилиш ташкил қилинди. Навбатдаги учрашув бирйўла тўрт спорт тури вакили билан ўтказилди. Унда баскетбол, гандбол, сув полоси ва сувга сакраш бўйича мутахассислар иштирок этишди.

Сир эмаски, юқорида қайд этилган спорт турлари бўйича Ўзбекистон хеч қачон Олимпия ўйинларида иштирок этмаган. Бугун ўтказилган учрашувда жамоаларимизнинг Токио Олимпия ўйинлари учун лицензия олиш имкониятлари муҳокама қилинди. Федерация мутасаддилари МОҚ раҳбариятига Олимпиада йўлланмасига эга чиқиш учун нималар қилиш лозимлиги, қайси йўналишда иш олиб бормоқчи эканликлари ҳақида маълумот бердилар.

Эслатиб ўтамиз, бугун Миллий олимпия қўмитаси томонидан Токио Олимпиадасига лицензия қўлга киритган ҳар бир спортчи учун 100 миллион сўмдан пул мукофоти берилиши маълум қилинди.