"Ўзбекистонда беркиниб юришни бас қил". UFC жангчиси Шавкат Раҳмоновга мурожаат қилди

Бакли Шавкатни жанг учун шартнома имзолашга чақириб, "Номад" ундан қочаяпти, деган ишорани қилди.

"Ўзбекистонда беркиниб юришни бас қил, қўрқоқ. Сен ҳеч қачон мен каби тезликка эга бўлган рақиб билан тўқнашмагансан. Менинг босимимга ҳам дуч келмагансан. Мендаги кучга эга жангчи билан ҳам жанг қилмагансан. Сен ўзига яратилган образ эвазига яшаяпсан, мен эса шу образни йўқотиш учун бу ердаман.

Сен кейинги даъвогар бўлиш ҳақида гапиряпсан, шунинг учун сенинг йўлингда турибман. Марҳамат, бирор нарса қилиб кўр. Биласанки, мен билан жанг сенинг асл башарангни кўрсатиб қўяди: камчиликларингни, иккиланаётган жойларингни, чегараларингни. Шунинг учун сенинг жамоанг Kill Cliff мени тилга олмайди. Генри Хуфтнинг ўзи унинг йигитлари мен билан жанг қилмаслиги кераклигини айтган.

Ҳозир шуни сенга айтяпман, Шавкат. Бакгомедов сенинг орқангдан келяпти. Ҳеч қандай даъвогарлик ҳақида гап бўлмайди. Ҳеч қандай баҳона. Шунчаки шартномани имзола", — деб ёзди Бакли ўзининг Instagram саҳифасида.