Ўзбекистонга қарши ўйин учун қайднома эълон қилинди, унда Йилмаз ҳам, Чалханоглу ҳам бор

Бироз аввал Туркия футбол федерацияси матбуот хизмати бугунги беллашув учун Гунеш ажратиб олган ўйинчилардан иборат қайдномани эълон қилди. Ундан жами 31 нафар ўйинчи жой олган.

Туркиянинг Ўзбекистонга қарши ўйин учун қайдномаси:

Дарвозабонлар: Мерт Гюнок ("Башакшеҳир"), Гокхан Аккан ("Ризеспор"), Синан Болат ("Антверпен", Бельгия), Угурчан Чақир ("Трабзонспор").

Ҳимоячилар: Меҳмет Челик ("Лилль", Франция), Назим Сангаре ("Антальяспор"), Чоғлар Союнчу ("Лестер", Англия), Каан Айҳан ("Фортуна", Германия), Мериҳ Демирал ("Сассуоло", Италия), Женгиз Умут Мераш ("Бурсаспор"), Эмре Тошдемир ("Галатасарой"), Ҳасан Али Калдирим ("Фенербахче").

Ярим ҳимоячилар: Абдулқодир Омур ("Трабзонспор"), Женгиз Ундер ("Рома", Италия), Дениз Туруч ("Қайсериспор"), Дорукхон Токоз ("Бешиктош"), Эфечан Карача ("Аланяспор"), Эмре Белозоғлу ("Башекшеҳир"), Ифран Жан Қаҳвечи ("Башекшаҳир"), Маҳмут Текдемир ("Башекшеҳир"), Оғузхон Озякуп ("Бешиктош"), Окай Йокушлу ("Сельта", Испания), Озан Тўфон ("Аланяспор"), Юнус Малли ("Вольфсбург", Германия), Юсуф Язичи ("Трабзонспор"), Ҳоқон Чалхоноглу ("Милан", Италия), Умар Али Шаҳинер ("Коняспор").

Ҳужумчилар: Бурак Йилмаз ("Бешиктош"), Энес Унал ("Вальядолид", Испания), Гувен Ялчин ("Бешиктош"), Кенан Караман ("Фортуна", Германия).

Қизиғи, кеча Гунеш ўйнамайди деб номини санаган футболчилардан Бурак Йилмаз ва Ҳоқон Чалханоглу қайдномага киритилган. Шунингдек, ҳали соппа-соғ эмас деб айтиб ўтган футболчилари Ҳасан Али, Маҳмут Текдемир ва Окай Ёкушлу ҳам кенгайтирилган рўйхатдан жой олган. Фақатгина "Эвертон" ҳужумчиси Женк Тосун ва "Штутгарт" ҳимоячиси Озан Кабак мураббий кеча айтганидек қайдномада ҳам йўқ. Демак, бугун Ўзбекистонга қарши Тосундан бошқа барча кучли ўйинчилар тушиши мумкин.