Ўзбекистонлик гимнастикачилар илк маротаба аэробика бўйича Осиё чемпионатида иштирок этдилар +ФОТО

Мазкур турнирда Осиёнинг 10 дан ортиқ мамлакатидан 200 нафардан ортиқ спортчилар иштирок этдилар.

Мусобақалар учта вазн тоифасида бўлиб ўтди: 12-14 ёш, 15-17 ёш ва 18 ёшдан юқори. Баҳслар аёллар, эркаклар, аралаш жуфтликлар, трио, гуруҳлар бўйича ташкил қилинди. Терма жамоамиз шарафини ушбу турнирда уч нафар спортчи ҳимоя қилди: Азиз Ганиев, Каромат Шарифжонова ва Луиза Ганиевалар.

Эркаклар ўртасидаги баҳсларда иштирок этган Азиз Ганиев финалгача етиб борди. Каримоат Шарифжонова ҳам ўз ёш тоифасида (15-17 ёш) энг кучли 8 нафар спортчи орасидан ўрин олди.

Таъкидлаб ўтиш лозимки, гимнастиканинг ушбу тури Ўзбекистон гимнастика федерацияси эътибор қаратаётган 5 та йўналиш ичида энг ёши ҳисобланади. Спортнинг ушбу йўналишига сўнгги вақтларда катта эътибор қаратилмоқда.

Спортчиларимизни ва мураббийларимизни илк қўйилган муваффақиятли қадам билан табриклаб қоламиз.