UZ

Сўнгги янгиликлар

12:10Зверев 6 йилдан сўнг яна Майами "Мастерс" 1/2 финалида кортга чиқади 0 11:47Волков Павлович билан жанг анонси ҳақида: "Ака-укаларни уриштирмоқчи" 0 11:25Роналду Саудия Арабистони чемпионатидаги энг омадсиз ҳужумчи бўлиб турибди 0 11:04Боксчимизни Элистада нокаутга учратишди 0 10:43Miami Open. Қозоғистонлик теннис маликаси бу йил ҳам финалда ўйнайди 0 10:21Сабриэль Матиаснинг чемпионлик ҳимоя жанги расман тасдиқланди! Рақиб енгилмас боксчи! 0 10:00Италиялик жаҳон чемпиони Қозоғистонга келди 0 09:39Бугун Туркиядаги "Катта Дубулға"да 7 нафар дзюдочимизга мухлислик қиламиз 0 09:18Карлос Алькарасни Майамидаги "Мастерс"дан чиқариб юборишди 0 08:51Жорж Сен-Пьер фаолиятини якунлаш сабабини айтди 0 08:30Абдуқодир Ҳусанов "Лилль" билан ўйинни ўтказиб юборади 0 08:05Шоҳжаҳон Эргашев рақибини 1-раунддаёқ нокаутга учратди 2 20:46“Great Silk way-2024”. Боксчиларимиз турнирни умумжамоа ҳисобида биринчи ўринда якунлашди 0 19:50Дана Уайт Конор Макгрегорнинг камчилиги ҳақида гапирди 0 19:28Оливейра нима учун Царукян билан жангга рози бўлганини айтди 0

24 ноя 13:18
Янгиликлар

Теннис

"Ўзбекистоннинг легионер теннисчилари" ҳақида нималар биламиз?

Бугун Ўзбекистонда туғилган, аммо ҳозирги вақтда баъзи бир сабабларга кўра бошқа давлат шарафини ҳимоя қилаётган теннисчилар ҳақида сўз боради.

Демак уларнинг айримлари билан танишинг.

Варвара Лепченко Петровна 1986 йил 21 май куни Тошкент шаҳрида туғилган. Варвара - Бутрус ва Лариса Лепченконинг фарзанди бўлиб, унинг Жане исмли синглиси ҳам бор. Тошкентлик теннисчи етти ёшида теннис ўйнашни бошлайди. Халқаро фаолиятининг дастлабки йилларида у Ўзбекистондаги мусобақаларда қатнашади, аммо кейинчалик федерация билан зиддият туфайли у жамоа мусобақаларида ўз чиқишларини тўхтатади. 2000 йилдан бери у Америка Қўшма Штатларининг Ню-Ёрк шаҳрида доимий яшайди ва 2007 йил 17 сентябрдан бошлаб АҚШ байроғи остида мусобақаларда иштирок этади. 2011 йилда Лепченко расмий равишда маҳаллий фуқаролик ва жамоа турнирларида ушбу мамлакат терма жамоаси учун ўйнаш ҳуқуқини олди.



Варвара фаолияти давомида 10 дан ортиқ ИТФ мусобақаларида ғалаба қозонган. Бир марта WТА муобақалари финалигача етиб борга. "Топ-100"нинг доимий аъзоларидан бири ҳисобланади.Варвара Лепченконинг рейтингдаги энг юқори позицияси 2012 йил 10 октябрга тўғри келади. Ўшанда қаҳрамонимиз 19-ўрингача кўтарила олган. Хозирги эгаллаб турган ўрни 63 ҳисобланади. Варваранинг бу йилги турнирлардаги сўнгги иштироки 16-21 октябр кунлари WТА тасарруфига кирувчи Лухембоург опен турнири бўлди. У илк даврада Германиялик Cарина Уитхофтга қарши бўлиб ўтган муросасиз баҳсда 6-7(1) 6-2 6-7(1) ҳисобларида мағлуб бўлди ва бу йилги мавсумни якунлади.


Марсель Илҳан (асл исми Марсел Қаҳҳорович Ҳамдамов, 1987 йил 11 июнда Самарқандда туғилган, Ўзбекистон) ҳозирда Туркия шарафини ҳимоя қилади.
Марсель Каҳҳор ва Мадия Ҳамдамовларнинг ягона ўғлидир. 6 ёшдан бошлаб теннис билан шуғулланади. Дастлабки йилларда Марcель Самарқанддаги спорт бўлимида шуғуллана бошлади. 2006 йилнинг кузида фамилиясини Илҳан қилиб ўзгартиради ва Туркия байроғи остида мусобақаларда иштирок эта бошлайди. Ҳозирда Туркиянинг Истамбул шаҳрида яшайди. Марсель Илҳан шу кунга қадар жами 4та "Челленжер" мусобақаларида, "Фючерс" туркумига кирувчи мусобақаларда яккаликда 18, жуфтликда 2 маротаба ғалаба нашидасини сурган. Унинг рейтингдаги энг юқори чўққиси 2015 йилнинг 2 мартига тўғри келади. Ўшанда Марсель 77-ўрингача кўтарила олган, аммо шундан сўнг уни кетма-кет жароҳатлар безовта қила бошлади. Ҳозирги эгаллаб турган ўрни 305 ҳисобланади. Шу кунгача иштирок этган сўнгги турнири Қувайтдаги "Фьючерс" турнири ҳисобланади. У илк даврада Франциялик Лени Митянага 6-4 1-6 1-5 ҳисобида мағлуб бўлиб турган ҳолатда жароҳат олиб учрашувни якунлай олмаган.




Влада Якшибарова 1989 йилнинг 14 мартида Ўзбекистонда туғилган. Профессионал фаолиятини 2003 йилда бошлаган ва 2016 йилгача Ўзбекистон шарафини ҳимоя қилган. Мураббийлари отаси, Костя Миллер, Дрор Дивишлардир. 2016 йилдан буён Исроил шарафини ҳимоя қилади. Фаолияти давомида ITF туркумига кирувчи мусобақаларнинг 20 маротаба ғолиби, 8та яккалик ва 12 маротаба жуфтлик йўналишида ғолиб бўлган. Рейтингдаги энг юқори натижаси 2008 йилнинг 14 июлига тўғри келади (352 ўрин). Ҳозирда 419-ўринда бормоқда. Фаолияти давомида Туркия, Исроил,Таиланд Қозоғистон каби давлатларда ғалаба нашидасини сурган. Ҳозирда Грециянинг Ираклион шаҳрида соврин жамғармаси 15 000 АҚШ долларини ташкил этувчи мусобақада иштирок этмоқда. Эртага Влада ушбу турнир чорак финалида Руминиялик Оана Гаврилага қарши кортга чиқади. Спортчига фаолияти давомида зафарлар тилаб қоламиз.




Ушбу теннисчилар қаторига Глеб Сахаровни ҳам қисман қўшсак бўлади. Бу теннисчи 1988 йилнинг 10 июнда Тошкент шахрида дунёга келган. Аммо ўсмир даврида Францияга кўчиб ўтган. Айни пайтда Франция фуқароси ҳисобланади. Ўзбекистон учун умуман мусобақаларда иштирок этмаган ва  Франция шарафини ҳимоя қилади (худди бизнинг Денис Истомин юртимиз шарафини ҳимоя қилгани каби). Глеб фаолияти давомида "Фючерс" туркумига кирувчи мусобақаларда яккаликда 10 марта, жуфтликда 9 маротаба зафар қучган. Ушбу мавсум Глеб учун энг омадлиси ҳисобланади. Сабаби у бу йил 13 ноябрь кунги рейтинга кўра ўзи учун энг юқори бўлган 155-ўринигача кўтарилди.



Ҳусниддин Мирзалиев тайёрлади


Ушбу қизиқарли мақола учун Ҳусниддин акага миннатдорчилик билдириб қоламиз. Шунингдек, сайтимиз мухлислари орасида ўз мақолалари, қизиқарли материаллари билан иштирок этиш истагидагилар бўлса, сайтимиз минбари улар учун доимо очиқ эканлигини маълум қиламиз.

Рейтинг: +3   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг