"Жангга чиқишнинг имкони бўлмаганди". Царукян – Махачев билан бекор бўлган жангни эслади

"Янги тафсилотлар йўқ. Ростини айтсам, танқидлар менга аллақачон аҳамиятсиз бўлиб қолган. Менга натижа керак – натижа эса ҳар доим ижобий. Ҳа, бу жангга жуда кўп куч сарфладим, жуда узоқ вақт кутдим. Бу жангни мен мухлислардан кўра кўпроқ хоҳлаганман.

Охирги олти-етти йил давомида шу жанг билан яшадим – ва уни амалга ошириш учун кўп нарсани қурбон қилдим. Лекин организмим бу юкламага дош бермади ва ишдан чиқди. Мен тўғри қарор қилганимга ишонаман. Ишончим комилки, менинг вақтим ҳали келади.

Жангга қай даражада тайёр эдим? Унга чиқмаган бўлардим. Бу мумкин эмас эди. Белим шунчалик қотиб қолдики, ҳаракат ҳам қила олмадим. Белидан қаттиқ жароҳат олган одамлар бундай ҳолатни тушунади. Бу жароҳат менда узоқдан бери бор ва баъзи пайтларда кучайиб кетади", – деди UFC’нинг енгил вазн тоифаси жангчиси Арман Царукян.