Темурбек Гиязов пара енгил атлетика бўйича Жаҳон чемпионати ғолибига айланди!

Мусобақада эркаклар ўртасида Т64 классида ташкил этилган баландликка сакраш беллашувлари ўз ниҳоясига етди. Унда Ўзбекистон терма жамоаси аъзоси Темурбек Гиязов ҳам иштирок этиб, 2.03 м натижа қайд этди. Бу орқали 29 ёшли Темурбек нафақат шахсий рекордини янгилади, балки Жаҳон чемпионатининг олтин медалига ҳам эга чиқди.

Жаҳон чемпионати

Эркаклар ўртасида баландликка сакраш (Т64)

1. Темурбек Гиязов (Ўзбекистон) - 2.03

2. Жонатан Брум Эдвардс (Буюк Британия) - 2.00

3. Правин Кумар (Ҳиндистон) - 2.00

Маълумот учун, ҳозирда терма жамоамиз ҳисобида 5 та олтин, 4 та кумуш ва 2 та бронза медали мавжуд.