WTA рейтинги. ТОП-10 ўз ўрнида. Теннисчиларимиздан бири 89 поғона юқорилади

Янгиланган рейтингда ҳамон беларуслик Арина Соболенко катта фарқ билан пешқадамликни давом эттирмоқда. Иккинчи ракетка Ига Свёнтек Сеулдаги WTA 500 турнири чемпионлиги эвазига Аринага бирмунча яқинлашиб олди. Бразилиялик Беатрис Хаддад Майя аксинча, Сеулдаги чемпионлик очколарни ҳимоя қила олмагани учун 18 поғонага пастлади. Калдаш-да-Раиньедаги WTA 125 турнирида бош совринни қўлга киритган Полина Яценко Топ-200 рейтингида дебют қилди.

Янгиланган рейтингда ҳамон 6 теннис маликамиз бўлиб, уларнинг 2 нафари кўтарилишга эришди. Ўзбекистоннинг иккинчи ракеткасига айланган Милана Масленкова 89 поғонага юқорилаб, 1146-ўринга жойлашди. Тўртинчи ракеткамиз Нигина Абдураимова бошқаларнинг пастлагани эвазига 1 ўринга юқорилади. Биринчи ракеткамиз Влада Якшибарова 6, учинчи рақамли теннисчимиз Дарья Шубина 7, Сабрина Олимжонова 4,  Диана Яковлева 5 поғонага пастлади. 

WTA рейтинги. 22 cентябрь кунги ҳолат:

1. (1) Арина Соболенко (Беларусь) - 11225 очко

2. (2) Ига Швёнтек (Польша) - 8433

3. (3) Коко Гофф (АҚШ) - 7873

4. (4) Аманда Анисимова (АҚШ) - 5109

5. (5) Мирра Андреева (Россия) - 4793

6. (6) Мэдисон Киз (АҚШ) - 4579

7. (7) Жессика Пегула (АҚШ) - 4383

8. (8) Жасмин Паолини (Италия) - 4006

9. (9) Чжэн Циньвэнь (Хитой) - 4003

10. (10) Елена Рибакина (Қозоғистон) - 3833

Ўзбекистонлик теннисчиларнинг WTA рейтингидаги ўрни:

980 (973). Влада Якшибарова – 20  

1146 (1235). Милана Масленкова – 12 

1230 (1223). Дарья Шубина – 9

1308 (1309). Нигина Абдураимова – 7  

1447 (1443). Сабрина Олимжонова – 4 

1468 (1463). Диана Яковлева – 3