Арман Царукян – Хукер ҳақида: "Бундай рақибларга қарши жанг қилиш қийин"

"Ростини айтсам, мен учун ҳамма жанг қийин. Жуда кўп машғулотлар... Аввал йиғинда қийналасан, кейин вазн туширишда қийналасан. Кейин эса жанг қилишинг керак. Хукер – узун бўйли, қўл-оёқлари катта. Партердан яхши ҳимоялана олади, тез туриб олади. Охирги пайтларда анча кучайган.

Лекин у кураша олмайди. Эркин курашда ҳимояси яхши эмас. Шу томондан унга босим қилиш керак. Лекин у жуда узун бўйли, бундай жангчилар билан жуда қийин. Улар масофада туриб зарба беришади. Унинг оёқ зарбалари эса қаттиқ... Бу курашчилар учун жуда ноқулай зарбалар", – деди  Арман Царукян.