U-20 жаҳон чемпионати-2027. Финалга Ўзбекистон мезбонлик қиладими ёки Озарбайжон?

Кичик мундиалда 24 та терма жамоа иштирок этади. Мезбон сифатида автоматик тарзда қатнашадиган Озарбайжон ва Ўзбекистондан ташқари 22 мамлакат саралаш босқичида иштирок этади. Якуний босқичга қуйидагича квоталар ажратилган:

OFK (Осиё): 5 ўрин (улардан бири – Ўзбекистон);

CAF (Африка): 4 ўрин;

CONCACAF (Шимолий ва Марказий Америка): 4 ўрин;

CONMEBOL (Жанубий Америка): 4 ўрин;

OFC (Океания): 1 ўрин;

UEFA (Европа): 5 ўрин (улардан бири – Озарбайжон);

Конфедерациялараро плэй-офф: 1 ўрин.

Тўрт жамоадан иборат плэй-офф мусобақаси жаҳон чемпионатининг сўнгги иштирокчиси бўлади. Плэй-офф босқичи учун қуйидагича квоталар ажратилган:

AFC (Осиё): 1 ўрин;

CONMEBOL (Жанубий Америка): 1 ўрин;

OFC (Океания): 1 ўрин;

UEFA (Европа): 1 ўрин.

Кичик мусобақа марказлашган ҳолда ўтказилади ва иккита бир босқичли ярим финал ҳамда финал ўйинларидан иборат бўлади. Финал ғолиби жаҳон чемпионатига йўлланма қўлга киритади.

Ҳар бир мамлакат 26 та ўйинга мезбонлик қилиши кутилмоқда. Булар қаторига гуруҳ босқичидаги 18 та ўйин, 1/8 финал босқичидаги 4 та учрашув, 2 та чорак финал ва бир ярим финал киради. 

Championat.asia сайти маълумотларига кўра, Боку шаҳрида финал учрашуви, Тошкентда эса очилиш ўйини ва учинчи ўрин учун беллашув ўтказилиши режалаштирилган.

Турнирнинг расмий тақвими эълон қилинмаган.