28 мар 14:51
Янгиликлар

Бокс/ММА

Пакьяо vs Матиссе: жангнинг янги санаси маълум қилинди

Саккиз вазн тоифасида собиқ жаҳон чемпиони Мэнни Пакьяо ҳамда WBA чемпиони Лукас Матиссе ўртасидаги жанг санаси ўзгартирилди.

Аввалроқ жангнинг 24 июнь куни Малайзиянинг Куала-Лумпур шаҳрида ўтказилиши эълон қилинганди. Бугун жанг ташкилотлари бу муддатни икки ҳафтага кечиктиришди.

Энди Пакьяо ва Матиссе ўртасидаги чемпионлик жанги 8 июль куни бўлиб ўтади. Филиппинлик бокс афсонаси яқинда бир неча йиллик мураббийи Фредди Роуч билан алоқани узган, промоутер Боб Арум билан шартномани бекор қилган эди.