11 мар 14:56
Янгиликлар

Бокс/ММА

Пакьяо янги мураббийлари номини ошкор қилди, рўйхатда Роуч йўқ!

Аввал хабар берганимиздек, 8 вазн тоифасида собиқ жаҳон чемпиони Мэнни Пакьяо 24 июнь куни ўзининг навбатдаги жангини ўтказади.

Филиппинлик афсона шу куни Малайзияда Лукас Матиссега қарши рингга кўтарилади. Пакьяо бўлажак жангда унга ҳамроҳлик қиладиган мураббийлар штабини ҳам эълон қилди. Бу рўйхатда унинг кўп йиллик мураббийи америкалик Фредди Роуч йўқ.

Тақдим этилган пресс-релизда мураббийлардан “Реституто “Бубой” Фернандес, Ноной Нери ҳамда Рожер “Хаплас” Фернандеснинг исм-шарифлари кўрсатилган. Пакьяо апрель ойининг ўрталарида номлари зикр этилган мураббийлар қўл остида машғулотларни бошлайди.

Эътиборга молик жиҳати шундаки, Пакья америкалик машҳур мураббий Фредди Роуч 17 йил давомида мунтазам равишда ишлаб келаётганди. Уларнинг ҳамкорлиги 2001 йилнинг июнь ойида бошланган эди.