13 апр 19:45
Янгиликлар

Бошқалар

Паралимпиячиларимиз ўқ отиш бўйича Ҳалқаро Гран-при мусобақасида иккита медаль қўлга киритишди

Польшанинг Шецин шаҳрида паралимпиянинг ўқ отиш спорт тури бўйича Ҳалқаро Гран-при турнири бўлиб ўтмоқда.

Ушбу мусобақада ҳамюртимиз, Рио 2016 Паралимпия ўйинлари бронза медали соҳиби Сервер Ибрагимов ҳамда Азиз Ибрагимовлар иштирок этдилар.

Ҳамюртларимиз мусобақада битта олтин ва битта кумуш медалларини қўлга киритдилар. 10 метрга тўппончадан отиш бўйича финал беллашувларида спортчимиз Сервер Ибрагимов 237.4 натижа билан биринчи ўринни эгаллаган бўлса, иккинчи поғонани бошқа бир вакилимиз (235,9 натижа) Азиз Ибрагимов банд этди.

Мусобақада 23та мамлакатдан 228 нафар спортчи куч синашмоқда.

Вакилларимиз 16 апрел куни Тошкент вақти билан соат 00:40да Истанбул-Тошкент йўналиши бўйича пойтахтимизга қайтиб келадилар.