Париж "Катта Дубулға". Тўраев ютқазди, лекин бронза учун умид бор

Ҳозиргина -73 кг вазн тоифасида юртимиз шарафини ҳимоя қилаётган дзюдочимиз Ҳикматуллоҳ Тўраев чорак финал учрашувини якунлади. Тўраев мўғулистонлик Цогтбаатар Ценд-Очирга қарши татамига чиқди. 

Афсуски, қўшимча бўлимда қўлга киритилган вазари баҳоси мўғулистонлик дзюдочини ярим финалга олиб чиқди. Энди Ҳикматуллоҳ бронза медали учун кечадиган ўтиш беллашувида иштирок этади. Унда Тўраев тожикистонлик Сомон Маҳмадбековга қарши баҳс олиб боради.